1 млн. еуро жұмсалып түсірілген «Келін фильміне қатысты ел ішінде әлі де пікірталас толастамай тұр. Белгілі қайраткер, парламент мәжілісінің депутаты Бекболат Тілеухат «Келін» тәрізді фильмдер Қазақ ұлтын мансұқтайды деген болатын.

Бірқатар жастар ұйымдарының өкілдері де аталған фильмнің «Оскар» сыйлығына ұсынылуына қарсылық танытқан. Десе де Мәдениет және ақпарат министрі

Мұхтар Құл-Мұхаммед: «Келін» фильмінің қазақ тарихына қатыстылығы шамалы» деп мәлімдеді.

«Келін» фильмінде соншалықты «әкетіп» бара жатқандай зорлық-зомбылық бар деп есептемеймін, деді министр. Оның сөзін ҚазТАГ агенттігі таратты.

Министр ел ішінде киноға қатысты пікірлердің туындауын осы уақытқа дейінгі кино саласындағы үдерістердің заң жүзінде реттелмегендігімен байланыстыруда. Келесі жылдан бастап заңға енгізілген өзгерістерге сәйкес, Қазақстан аумағында көрсетілетін кез-келген фильм реттелетін болады, ондай фильмдерді көрсету үшін прокаттық куәлік болуы тиіс.

Министр Мұхтар Құл Мұхаммедтің айтуынша, ұлт намысын қорлайтын фильмдер заңда реттелмеген мүмкіндіктерді пайдаланып, ойына келгенін істеген азаматтардың ісі болып отыр.

«Келін» фильмі 2006 жылы өндіріске шықты. «Қазақфильм» студиясының базасында дайын болып, мемлекеттің мол қаражаты бөлінгендіктен туынды прокатқа жіберілген.