Бул кабар ZAMAN Кыргызстан сайтынан алынды.

Кыргызстандын чемпиону, Нарындын «Дордой-Динамо» клубу экинчи жолу катары менен Азия Футбол Федерациясынын «Президентинин кубогун» утту.Финалдык беттешүүдө, биздин команда Непалдын «Махендра Полис» командасы менен беттешип, 2:1 эсебинде жеңип чыкты.«Дордой-Динамо» «Механдро Полис» менен ойноп, 3:0 эсебинде чоң эсеп менен жеңип чыккан. Ал эми финалдык оюн таптакыр башкача болуп, оюн абдан курч мааниде өттү (Непалдын чемпиону жарым финалда Тажикстандын «Редар-ТадАЗ» командасын утуп, финалга чыккандыгы да бекеринен эмес экен). Бирок, ошондой болсо да акыркы оюндун 10-мүнөтүндө Азамат Ишенбаев 11 метрден эсепти ачып, «Дордой» алдыга чыгып, оюндун 74-мүнөтүндө гана бул турнирде Азамат Ишенбаев сыяктуу эле өзүнүн бомбардирлик чеберчилиги менен таанылган Андрей Красновдун ордуна дагы бир бомбардирибиз Роман Корнилов чыгып, эсепти 2:0гө жеткирди. Непалдыктар оюндун аягында, кошумча мүнөттө гана 11 метр айып тобун тээп, эсепти өзгөртүштү. Ошентип, оюн 2:1 эсебинде «Дордой-Динамонун» жеңиши менен аяктады.«Дордой-Динамо» быйыл да күчтүүлүгү жана маанилүүлүгү жагынан Азияда үчүнчү орунда турган турнирди жеңип, бул мелдеште аларга бир да команда тең эмес экендигин далилдеди. Демек, эми Кыргызстан Футбол Федерациясы АФКга кайрылып, Азиядагы экинчи, же мүмкүн биринчи даражадагы турнирлерге кошуп коюусун суранышы керек деп ойлойм.Айтмакчы, «Дордой-Динамо» жарым финалда Шри-Ланканын «Ратнам» командасы менен ойноп, негизги убакыт 1:1 эсебинде аяктап, оюндан кийинки 11 метрден тебүүдө гана 5:4 эсебинде утуп чыккан. Ал оюндун 21-мүнөтүндө биздин команданын Ганадан келген легионери Дэвид Теттех Валерий Березовскийдин пасынан эсепти ачкан. Бирок, биринчи тайм бүтөрүнө 1 мүнөт калганда шри-ланкалыктар да эсепти теңеп, андан кийин бир да команда гол киргизе албай, жеңүүчү 11 метрден тебүү аркылуу аныкталган. Анда бизден Руслан Сыдыков, Азамат Ишенбаев, Игорь Кудренко менен Роман Корнилов гол киргизип, Валерий Березовский гана гол киргизе албай калган. Бирок «Дордойдун» дарбазачысы Валерий Кашуба атаандаштарынын эки тобун тосуп, командасына жеңишти алып келген.Финал: «Дордой-Динамо» – «Механдро Полис» – 2:1Гол. А.Ишенбаев-10, Р.Корнилов- 74. – Раи- 92-мүн.«Дордой-Динамо»: Кашуба, Самсалиев, Сыдыков, Князев, Бокоев (Д. Аскаров, 68), Березовский, Ишенбаев (Касымов, 81), Краснов (Корнилов, 54), Харченко, Кудренко, Теттех.http://www.zaman.kg/2007_10_05/pages/sport.php#dor

Жайында Дордой-Динамо Абдыш-Ата беттешүүсүн Спартак стадионунда көрдүм эле. Дэвид Теттех чынында эле күчтүү оюнчу экен. Дордой ал оюнчуну кантип тапса да жакшы кылыптыр. Жакында Локомотив Москвада ойноп калса таң калбайм. Анткени, Локомотив чакырды деп өзүнөн уккам.