Кыргызстандын абалы сыртта иштеген, окугандарга көбүрөөк билинип турса керек. 1-2 жылча башка өлкөдө болуп, КГга келгенде биринчи күнү көчөгө чыкканда салыштырып критикалай баштайсың. Чаң экен, таза эмес экен, бул кымбаттаптыр, баягы эле бойдон турбайбы, өнүкпөптүр дегендей.Мен бул барганда бир топ алдыга жылууну көрдүм. Өзгөчө тил жагынан.Мурда КТР каналын ачып кабар көргөндө кадимкидей уйкум келет эле. Азыр болсо кабар окугандар жанданып, көрүүчүлөрдү кызыктырып, кызыкпаган кабар болсо деле сүйлөгөнүн уккун келип турат. КТР эмес 5-канал жөнүндө сөз кылып атам.Экинчиси көчөлөрдөгү жарнактар (реклама) кыргызча которулуп чыгат экен. Мамлекетибиз жарнактарга кыргыз тилин кошуп чыгаруу чечимин кабыл алышкан имиш, коңшу Өзбекистан, Казакстан мамлекеттерин туурап. Мурда эле ушинтсе болмок, бирок ушуга да рахмат.