Анда, сен үчүн гана, «Сорос-Кыргызстан» Фондунун Жаштар программасы жана Кыргыз Республикасынын Улуттук телерадио корпорациясынын жаштар программасынын редакциясы «Өз теледолбооруңду сунушта!» сынагын жарыялайт.

1. Максаты жана милдеттери

Сынактын максаты – Кыргызстанда жаштар арасында оң багыттагы баалуулуктарды калыптандыруу

Милдеттери:
- Жаштардын чыгармачылык дараметтерин аныктоого шарттарды түзүү;
- Өлкөнүн өнүгүү процесстерине жаштардын катышуусуна өбөлгө түзүү

2. Катышуучулар

14 жаштан 28 жашка чейинки Кыргызстандын жарандары.

3. Сынакка катышуунун жолдору

3.1 Сынакка катышууну каалагандар толтурулган сунушту 2010-ж. 4-апрелде саат 24:00дөн кечикпестен тапшыруусу зарыл.

3.2 Сунушту youthtvproject@gmail.com электрондук дарегине жиберүү керек.

4. Жыйынтык чыгаруу тартиптери

Кабыл алынган сунуштардын жыйынтыктары «Сорос-Кыргызстан» Фондунун Жаштар программасынын эксперттик комиссиясынын жана Кыргыз Республикасынын Улуттук телерадио корпорациясынын өкүлдөрү тарабынан чыгарылат.

5. Сынактын жеңүүчүлөрү төмөндөгү критерийлер аныктоо боюнча аныкталат:

- Демилгенин сынактын максаты менен дал келүүсү;
- Теледолбоордун коомдук мааниси
- Теледолбоордун креативдүүлүгү, оригиналдуулугу, уникалдуулугу
- Кыргызстандын шартында демилгени теледолбоор катары алып чыгуунун чындыкка жакындыгы

6. Жеңүүчүлөргө сыйлыктарды ыйгаруу

Сынактын алкагында 4 жеңүүчү аныкталат. Жеңүүчүлөргө акчалай сыйлыктар ыйгарылат:
I орун – 600$
II орун – 500$
III орун – 400$
IV орун – 300$
Калган катышуучуларга кошумча сыйлыктарды берүү уюштуруучулардын чечими менен жүргүзүлөт.

7. Жеңүүчүлөрдүн укуктары жана милдеттери

7.1 Жеңип алган идеянын негизинде теледолбоорду түзүү жана көрсөтүү каралса, автордун аты-жөнү титрлерде жазылат.

7.2 Жеңүүчүлөр акчалай сыйлыктарды алган убактан баштап теледолбоордун идеясын толук түрдө сынактын колдоочуларына өткөрүп берет.

Суроолор боюнча (312) 66 34 75 (кошумча) 104 телефонуна чалыңыздар же youthtvproject@gmail.com дарегине жазыңыздар.